Antonio Míguez Amil

Baseado no existencialismo da paisaxe habitada e recollendo a tradición familiar vitivinícola procedente do s.XIX, este pequeno proxecto de lento camiñar, ten como fin recuperar viñedo histórico e viños pegados á terra. Partindo dunha cavadura no ano 1990 conta actualmente cunha superficie de 53 cavaduras (2,3 ha aprox) situadas en viñas históricas de socalcos no val do Avia, as numerosas parcelas acollen un bo feixe de castes autóctonas, algunhas recuperadas do esquecemento. A adega está situada á beira da muralla de Ribadavia.